13 de decembro de 2013

Conta atrás para Nadal

Está á volta da esquina... o Nadal está chegando!!!!

Para ir entrando en materia e pasar un bo rato ao tempo que aprendemos, nos seguintes enlaces atoparedes quebracabezas navideños, panxoliñas, contos, xogos, refráns... e incluso modelos de cartas aos Reis que podedes imprimir!




http://actividadeslim.blogspot.com.es/2011/12/dear-santa-galego-castellano-english.html

12 de decembro de 2013

Pans doces de Nadal... deliciosos!

Bos días a todos! Lembrámosvos que o plazo para entregar as vosas receitas de Nadal remata o vindeiro luns 16. Non esquezades traer todas aquelas que queirades compartir con nós!

Mentres agardamos as vosas aportacións, aquí vos deixamos unha actividade moi interesante sobre pans doces de Nadal.
Os pans de Nadal son unha tradición en moitos países europeos. De seguro que coñecedes algúns deles, que se popularizaron no noso país, como o panettone italiano ou o pudding británico.


Agardamos con ansia as vosas receitas!!!

11 de decembro de 2013

Receitas de Nadal

Ola a tod@s! Como ben notaredes xa está chegando o Nadal.

Nós, para facernos partícipes desta festa, imos a facer unha recolleita das mellores receitas de Nadal.

Para isto precisamos da vosa colaboración, traendo aquelas receitas que coñezades. Os vosos titor@s faranvos entrega dunha plantilla que podedes cubrir na casa coa axuda de nais, pais, avós, avoas...


A data límite de entrega é o vindeiro luns 16 de decembro. A partires dese día as receitas estarán expostas no porche do colexio para que todos podamos tomar nota delas... e degustalas nestas festas!!!

   

Para ir quentando motores, queremos compartir con vós unha tradicional panxoliña que seguro coñecedes todos, Con un sombreiro de palla.


3 de decembro de 2013

Regueifas

O martes 19 de novembro tivemos a sorte de participar dunha das actividades ofertadas polo Servizo de Normalización Lingüística do Concello de Vigo, como xa ocorrera co Cullarapo Croque.

Visitáronnos dous regueifeiros, que acompañados dunha zanfoña, fixeron que os rapaces de sexto de primaria, así como as mestras, compuxeran as súas propias regueifas.


Compoñendo regueifas



 


Algunhas mestras tamén colaboraron


A profe Carmen, titora de 3º de primaria, escribiu unha regueifa que despois recitou Carmen Docasar, é a seguinte:
 



Estas son algunhas das composicións dos nenos de 6º de EP:

 


Se estades interesados en saber máis sobre as regueifas, podedes visitar esta páxina:


19 de novembro de 2013

Celebrando o Magosto


O pasado día 11 de novembro, día de San Martiño, colocamos no porche da escola unha lámina onde El Greco explica a lenda do santo:
"San Martiño atópase cun mendigo que lle pide caridade. Como non ten moedas, colle a súa espada e corta a súa capa en dous, dándolle a metade."

lámina de El Greco, "San Martiño"

Ese mesmo día, celebramos tamén a tradicional festa do Magosto. Despois do recreo, asamos castañas no patio para despois dar boa conta delas. 

http://4.bp.blogspot.com/-r4jCHHxVmIU/UoHao2K-mGI/AAAAAAAAJso/299b7xYl-xE/s1600/la+foto+5.JPG

http://3.bp.blogspot.com/-9XmrwbxU30I/UoHaxoxHBcI/AAAAAAAAJs4/gc7Xhtzo75c/s1600/la+foto+7.JPG 

Tamén participamos na rolda de xogos populares que tiñamos preparados,  nos que participou todo o colexio. Foron dirixidos e custodiados por uns profes moi especiais, os alumnos de sexto curso.







Agardamos que disfrutarades de tan fermoso día!!!




15 de novembro de 2013

O Cullarapo Croque

Onte, martes 22 de outubro, desfrutamos dunha actividade sobre o conto "O Cullarapo Croque", grazas á visita á escola de Miguel, un mestre contacontos moi divertido (preme no seu nome para coñecelo un pouco máis).
Ao longo da actividade, puidemos descobrir os poemas que integran o libro e que xiran sobre temas como a lingua, o amor, o respecto a individualidade.... xunto a fermosas imaxes que forman un "todo" perfectamente conectado. 
Todos os presentes escoitamos con atención a Miguel, así coma participamos nas actividades e xogos que nos propoñía. Ao rematar a sesión, puidemos debuxar nunha folla unha das personaxes do conto que máis nos gustou e agasallar ao noso contacontos cunha morea de debuxos sobre o libro.
Aquí vos deixamos as imaxes da sesión.
Aquí vos deixamos coa presentación deste libro (un vídeo que puidemos atopar no blog  http://elvuelodelasmariposas.com/)

Por último, compartimos tamén este vídeo cos versos do libro.

13 de novembro de 2013

Samaín

Boas a todos! Estamos no tempo de recoller a colleita do outono: as castañas, o millo, as noces... e as cabazas!
Hai pouco celebramos o Samaín. Cada neno tallou unha cabaza na casa, cadaquén máis ocurrente, graciosa, terrorífica... e espuxémolas no colexio. O lugar que lles buscamos foi onda o Peto de Ánimas, que como xa sabedes é unha construción popular galega. É típico poñerlle neste tempo algunha ofrenda para as ánimas: unha candea acesa, flores ou tamén un froito da nosa colleita, por exemplo, unha mazorca de millo.

A continuación deixámosvos unhas imaxes das vosas fantásticas creacións!


Cabaza gaiteira

  

Unha cabaza máxica



Terrorífica!
Mudou de cor... verde!
"O Trasmundo" de Laxeiro, no peto de ánimas
O peto de ánimas

Moitas grazas a todos por participar!!!

15 de outubro de 2013

Petos de ánimas

Como ben é sabido por todos, Samaín está á volta da esquina. Este ano, no Ría de Vigo imos celebralo dun xeito moi especial.
Para poñervos en antecedentes, na seguinte presentación podedes atopar información sobre os petos de ánimas, moi típicos na nosa terra.
E vos, coñecedes ou tedes visto algún peto de ánimas? Compartide as vosas experiencias na sección de comentarios! E non esquezades visitar o blogue, xa que pronto haberá máis novas...

                      

8 de outubro de 2013

Rosalía chega a Rusia

Queremos subliñar unha noticia que, anque xa pasou, terá repercusión para o futuro e é que o día 26 de setembro, Día Europeo das Linguas, Cultura e Educación presentou a tradución de "Cantares Gallegos" ao ruso, co gallo da conmemoración do 150º aniversario da súa publicación. Este acto tivo lugar na casa-museo de Rosalía (Padrón).
A tradución a un dos idiomas de máis falantes no mundo, conmemora a marcaxe do inicio da recuperación da lingua e da literatura galegas despois dos chamados Séculos Escuros.
Así, a "nosa obra" pasa a ser tamén patrimonio dos rusos, que posúen ademáis unha extraordinaria e singularísima tradición literaria.
O obsectivo é concienciar da riqueza e da variedade lingüística de Europa.
O CEG (Centro de Estudos Galegos) de San Petesburgo forma parte da Rede de Centros de Estudos Galegos que a Xunta de Galicia mantén en universidades de varios continentes para difundir a lingua e a cultura galegos polo mundo.