14 de maio de 2018

LETRAS GALEGAS 2018

hhh





















Comezamos a semana das LETRAS GALEGAS adicadas este ano á figura de Mª Victoria Moreno. Para saber máis da súa historia, o alumnado de 6º de E.Primaria encárgase de explicar aos demais a súa vida. 
Hoxe os nen@s de infantil escoitaron moi atentos as explicacións.






13 de maio de 2018

OS MAIOS CO CENTRO DE DÍA "PARQUE CASTRELOS"

O alumnado de infantil e 1º de Primaria celebrou os MAIOS co centro de Día PARQUE CASTRELOS. Tivemos a sorte de que os nosos maiores, como xa é tradición,  viñeran ao noso cole a celebrar o MAIO florido.Compartiron con eles o asubío do maio e como tiñan tantas flores tamén as colocaron nun cesto e nun carro que o acompañaban.Pasámolo moi ben e todos disfrutaron. 
 O alumnado de 1º de primaria rendeulle homenaxe cunha danza acompañada de canaveiras e os de E. Infantil con coplas de maios cantadas.
É unha ledicia ver a relación de respeto,amizade e cariño  entre distintas xeracións.
Moitas grazas a tod@s pola vosa visita.


9 de abril de 2018

A RECONQUISTIÑA

Por fin chegou o gran día: A RECONQUISTIÑA. O alumnado de 3º e 4º ataviados cos traxes típicos da época marcharon para conmemorar a vitoria dos vigueses fronte aos franceses. Dende A Laxe ata o Marco recorreron as rúas da zona vella de Vigo para rematar no Berbés catando un saboroso chocolate ben quentiño.
Mirade que ben o pasaron!





As profes tamén disfrutaron do evento

22 de marzo de 2018

O día 13 de marzo tivemos un obradoiro a cargo dos organizadores da Reconquistiña.Nel déronnos á coñecer os instrumentos da nosa música tradicional .
Despois ensaiamos as cancións que imos cantar para á Reconquistiña baseadas en animais domésticos así coma á coreografía que imos lucir xunto con estas músicas no desfile!!!




11 de marzo de 2018

MAIS AVÓS E AVOAS

O xoves da semana pasada viñeron a visitarnos o avó e o pai de Lara de 4º B que nos falaron dos animais e nos explicaron moi ben as función de relación, nutrición e reproducción.
Xa é unha costume que os nosos alumnos e alumnas fagan un retrato das familias. Aquí o tedes.


Tamén veu a 4º B a avoa de David. Veu para que nós poidamos escoitar en galego as súas vivencias. Resultou darnos unha sorpresa
maior pois contounos un auténtico testemuño da pasada Guerra Civil vivido na súa propia familia.O alumnado mostrouse moi sorprendido. Vese que non se tiñan atopado directamente con algo así.





26 de febreiro de 2018

VISITA AO CENTRO DE DÍA "PARQUE CASTRELOS"

O alumnado de 4º visitou como xa ven sendo habitual, o Centro de día "PARQUE CASTRELOS" co fin de compartir experiencias entre distintas xeracións. Este ano falamos da evolución das comunicación: dende o carteiro tradicional ata a comunicación coas novas tecnoloxías . Entre todos construímos emoticonos. Pasámolo fenomenal. Moitas grazas!